పాదాలు కడిగిన ప్రధాని...వాటే డ్రమెటిక్ మూమెంట్

మన దేశంలో ప్రధాని స్థాయి వ్యక్తులు సామాన్యులతో మాట్లాడితేనే అదో న్యూస్..అలాంటిది సాక్షాత్తూ ఆ చేతులతో సామాన్యుల పాదాలు కడిగితే..అదో భాగ్యంగా భావిస్తూ..నమస్కారాలు చేసి..తర్వాత శాలువాలు కూడా కప్పితే..ఇక అంతకు మించిన వార్త ఏముంది..ఇదే చేసారు మోడీ..ఉత్తరప్రదేశ్ టూర్ లో బిజిబిజీగా గడిపిన మోడీ
కాసేపు సేదతీరడానికి త్రివేణీసంగమానికి వెళ్లి పితృదేవతలకు తర్పణం వదిలారు. ఆనక గంగా హారతీ ఇచ్చారు.
తర్వాత పండితులను సత్కరించారు

ఆ తర్వాతే అసలు సీన్ ఆవిష్కృతమైంది..స్వఛ్చతాహీ సేవ పేరుతో నాలుగున్నరేళ్లుగా మోత పుట్టించిన మోడీసాబ్ కి అసలు ఆ సఫాయ్ వాలాని సత్కరించాలని అన్పించిందో..లేక ప్లాన్డ్ గానే చేశారో..కానీ ఓ ఐదుగురు మున్సిపాలిటీ(శానిటేషన్) సిబ్బందిని పిలిచి కూర్చొబెట్టుకని తాను వాళ్ల కాళ్ల దగ్గర కూర్చుని మరీ పళ్లెంలో వాళ్ల కాళ్లను ఉంచి నీళ్లతో కడిగారు. ఆ తర్వాత పాదాలను తుండుగుడ్డతో తుడిచారు..ఇలా ఐదుగురు పనోళ్లకి చేయడంతో వారంతా మనసులో జంకుతో కుంచించుకుపోవడం విజువల్స్ చూస్తుంటే అర్ధమవుతుంది..ఎందుకంటే వాళ్లు ముందు ఉన్నది సామాన్యుడు కాదు..చరిత్ర తిరగరాసిన మోడీ.

మళ్లీ అదే చరిత్ర సృష్టించడానికో మరెందుకో కానీ..మోడీ చేసిన పని ఇప్పుడు చర్చకి దారి తీస్తోంది..సమాజంలోని వీధులను శుభ్రంచేసేవారికి సత్కారాలు చేయవచ్చు కానీ..ఇలా పాదాలు కడగడమనేది మాత్రం చూసుండం..అఁదుకే ఇది  సీన్ ఆప్ ది డేగానే కాదు..మోడీ లైప్ మొత్తంలో ఇదో అతి పెద్ద డ్రమేటిక్ సీన్..

పాదాలు కడగడం కాదు..కానీ అప్పటి ప్రధాని మన్మోహన్ సింగ్ కూడా అమృతసర్ దేవాలయంలో చెప్పులు శుభ్రం చేయడం..పాత్రలు తోమడం వంటివి చేసినట్లు గుర్తు..కాకపోతే పాపం ఆయనకి ఏ గుర్తింపు లేదు..దానికోసం ఆయన తపించలేదు కూడా..!