అయ్యా అజో అకటా ఈ ఆక్రోశం మీకు ఇన్వనందుకా..ఈనాడుకు ఇచ్చినందుకా..? యాడ్ ఆదాయంపై కావ వే..రా..అంటూ ఏడుపు

 

పాపం నాకు అసలు ప్రకటనలే ఇవ్వడం లేదంటూ పైన పేపర్ ఒకటే ఏడుపు..అసలు ఇంత చేసి చూస్తే..ఇది వార్తగా రాసుకోవాలి. లేదంటే తన వక్కపలుకుల్లో వేయించుకోవాలి..కానీ ఓ టిడిపి కార్యకర్త స్థాయి నేత ప్రెస్ మీట్ పెట్టి చెప్పడం ఏంటి..అంటే ఇది మా ఏడుపు కాదు. ఫలానా రాజకీయ పార్టీ కూడా విమర్శలు చేస్తుంది. మాకు లేవు ఇలాంటి ఆక్రోశాలు అని చెప్పుకునే వైనంలో భాగమా?

అవును సాక్షికి ఎక్కువగా ఆంద్రప్రదేశ్ ప్రభుత్వం ప్రకటనలు ఇచ్చింది. ఏంటంట..ప్రభుత్వ కార్యక్రమాలను ఎవరు ఎక్కువగా హైలైట్ చేస్తే వారికి ఇస్తారు యాడ్స్..అందులో సందేహమే లేదు. హీనపక్షం ప్రజాశక్తి మాత్రం మీకు ఎందుకు ఇవ్వలేదో మీరే ఆలోచించుకోవాలి. ఓ పేపర్లో పెద్ద యాడ్ ఇచ్చి దానికిందనే అదే పేపర్లో అదే ప్రభుత్వ కార్యక్రమంపై విమర్శలు, రంధ్రాన్వేషణలు చేసే వార్తలు రాస్తే ఆ పథకాలు,స్కీములపై ఎవడికైనా ఆసక్తి ఉంటుందా..? అసలు మీరు రాసే రాతలతో ఏపీలో స్కీమ్స్ అనేవే అసలు పని చేయడం లేదు. పనికిరావడం లేదు అన్నట్లుగా ఉంటాయ్. అలాంటప్పుడు అలాంటి స్కీమ్స్ గురించిన యాడ్స్ పై మీకెందుకు దుగ్ధ..ఇది నాలాంటి ఓ సగటు అభిమాని( యాంటీ) వాదన.

పైగా వైఎస్సార్ హయాంలో కూడా మీరు కోర్టులకు వెళ్లి మరీ యాడ్స్ తెప్పించుకున్నారు కదా..ఇప్పుడూ అలానే చేయండి. పైగా కోర్టులు ఇప్పుడు న్యాయాన్ని ఏ మాత్రం కాలయాపన లేకుండా వెంటనే వెలువరిస్తున్నాయ్ కదా..

ఎవడో లీడర్ ఆర్టీఐ ప్రకారం నిజాలు వెలుగులోకి తెచ్చేంత సీన్ అనవసరం. మీకు డైరక్ట్ గానే తెలుసు కదా ఏ పేపర్ కి ఎంత యాడ్స్ ఇచ్చేదీ..మరిక ఈ దేబిరింపులు, తడిక చాటు కథనాలు ఎందుకు , పైగా దాన్ని తెలంగాణ ఎడిషన్లో వేసుకుని ఆనందించడం ఎందుకు..అందరికీ తెలియాలంటారా..? ఓహో అలాగైతే..మరి తెలంగాణలో మీ పత్రికకు ఇతర పత్రికలకు ఎంతెంత ప్రకటనలు ఇక్కడి ప్రభుత్వం ఇచ్చిందో కూడా వెల్లడించండి మరి..సారీ..అదే ఏ రాజకీయపార్టీ ద్వారానో ఆర్టీఐ అప్లికేషన్ పెట్టించండి బాస్..కానీ మీ ఏడుపు ఎవరూ పట్టించుకోరు ఎందుకో తెలుసా..సాక్షికి 109 కోట్లని మీరే చెప్పారు మరి తర్వాత ప్లేస్ లో ఈనాడుకు 89 కోట్లని కూడా తమరే ( మీ నేతే) సెలవిచ్చారు..ఇక ఇతర పత్రికలకు ఇవ్వకుండా ఆ  ఒక్క పత్రికకే అని ఏడవడంలో అర్ధం లేదు కదా..అయినా మీ పత్రికకు కూడా అంతటి సర్క్యులేషన్ ఉండి ఉంటే, ఈనాడుకు  ఎంత ఇచ్చారో మీకు అంత దక్కేది. అయినా మీకు పాతికలక్షల మేర ప్రకటనలు దక్కడమే ఓ రకంగా వింత..ఎందుకంటే అధికారపార్టీ అధినేత కక్షసాధింపులో నంబర్ వన్ అని మీరే మీ పత్రిక ద్వారా బోలెడుసార్లు తెలియజేశారు మరి మీకు ఈ మాత్రం ప్రకటనలైనా ఎందుకు ఇచ్చారు..? బహుశా మీ సర్క్యులేషన్ విలువ అదే అని తెలియజెప్పడమేనా? ఏమో మరి..!