ఆంధ్రప్రదేశ్‌లో జంప్ జిలానీలకు దడ మొదలైంది. పార్టీ ఫిరాయింపుల చట్టం ప్రకారం అనర్హత వేటు సంగతి ఎలా ఉన్నా, కోర్టు విచారణ చేయడం కలకలం రేపుతోంది ఒక్క పదిహేనురోజుల్లో కేసు విషయంలో స్పందించాలంటూ మొత్తం 22మంది నోటీసులు ఇచ్చేసింది. వారితో పాటే ఏపీ అసెంబ్లీ సెక్రటరీకి, న్యాయశాఖ కార్యదర్శికి కూడా
నోటీసులు ఇచ్చింది. దీంతో దర్జాగా టిడిపిలో చేరిన వైఎస్సార్సీపీ ఎమ్మెల్యేలు స్పందించకతప్పని పరిస్థితి. పార్టీపరంగా జగన్ ఓ పాలసీ ప్రకారం అసెంబ్లీని బాయ్ కాట్ చేశారు
ఐతే ఈ జంప్ చేసిన ఎమ్మెల్యేలు మాత్రం తమ సీట్లలోనే అంటే వైఎస్సార్సీపీకి కేటాయించిన సీట్లలోనే కూర్చుంటూ సెషన్స్‌లో పాల్గొంటున్నారు. కానీ ఈ 22మందిలో అప్పనంగా నలుగురు మంత్రిపదవులు ఎంజాయ్ చేస్తున్నవాళ్లు కూడా ఉన్నారు. ఓ వేళ కోర్టు కనుక ఈ అంశాన్ని పరిగణించిందంటే..తక్షణం మంత్రిపదవులు ఊడటం ఖాయం..పై పెచ్చు..ఐదేళ్ల పాటు ఎన్నికలలో పోటీ చేయకుండా అనర్హత వేటు కనుక వేసిందంటే..లేని పోని కక్కుర్తికిపోయి ఐదేళ్లు జీరోగా మిగిలే ఛాన్స్ కన్పిస్తోంది. మార్చి 25న విచారణ ఉండటంతో ఈ జంప్ జిలానీలు వెంటనే లాయర్ల చుట్టూ తిరుగుతున్నారు. అసలు ఈ పిటీషన్ వేసింది గిద్దలూరు మాజీ ఎమ్మెల్యే అన్నే రాంబాబు..
Comments
Post a Comment