అది మీ ఇంట్లో ఫంక్షన్ కాదు కృష్ణా, ఫలక్‌నుమా ప్యాలెస్‍‌లో గెస్ట్‌లు వందల్లోనే ఉంటారు..!

 

దీనినే బహుశా ఏడుపు అందురు..అందుకు మించి ఆక్రోశం వెల్లిబుచ్చడం అందురు..డబ్బున్నోళ్లు వాళ్ల ఇష్టం వచ్చినట్లు ఖర్చు పెట్టుకుంటారు. మధ్యలో నీకెందుకు అని అడగడం చాలా ఈజీ, కానీ ఇలా ఓ బాక్స్ కట్టి మరీ 

వార్త ఎందుకు వేసారంటే. పక్క పేజీలోనే తన పత్రికకు యాడ్స్ ఇవ్వనందుకు ఆక్రోశం వెల్లిబుచ్చిన వైనం చూశారు కదా..! దానికి ప్రతీకారం అన్నమాట ఇది

పైగా విజయసాయిరెడ్డి మనవరాలు అని రాయడం..అదే మనవరాలు అరబిందో సంస్థ అధినేతకు కూడా మనవరాలు మరి దాన్నెందుకు హైలైట్ చేయకుండా..కేవలం విజయసాయిరెడ్డి బంధుత్వానికే పరిమితం అయ్యారంటే సమాధానం ఈజీగానే అర్ధమవుతోంది.. కావాలనే బురద జల్లితే, కడుక్కోవడం వాళ్ల పని అవుతుంది కాబట్టి..

ముఖ్యమంత్రి కేసీఆర్ ఫంక్షన్లకు తక్కువమంది హాజరు కావాలని కోరిన గంటల్లోనే కరోనా నిబంధనలకు తూట్లు పడ్డాయట. ఏం బాబూ జనాలకు మీలానే మైండ్ దొబ్బిందనుకుంటున్నారా..? ఇంకా నయం కేసీఆర్ చెప్పినా పుట్టేవాళ్లు పుడుతూనే ఉన్నారని రాయలేదు..సంతోషం

ఫలక్ నామా ప్యాలెస్ అంటే..అందులో ఫంక్షన్లు చేయాలంటే ఆషామాషీ వాళ్లకి కుదిరేపని కాదు. అది బుక్ చేసుకోవాలంటే గంటకి ఇన్ని లక్షలని ఖర్చవుతుంది. దాని గురించి గతంలో తమరి పత్రికే బోలెడన్నిసార్లు ఆ ప్యాలెస్ దర్జా, విలాసం,  వైభోగం గురించి ఆదివారం ఎడిషన్లలో కూడా అచ్చొత్తేశారు కదా..మరి అక్కడ బర్త్ డే ఫంక్షన్ అంటే ఎన్ని రోజుల ముందు బుక్ చేసుకుని ఉండొచ్చో ఆ మాత్రం తమరి పచ్చబడ్డ కళ్లకి ఆనడం లేదా..? 

పైగా పోలీసులు ఏ మాత్రం పట్టనట్లుగా వ్యవహరించారట..పైగా కరెంట్ సరఫరాలో లోపం కూడా తలెత్తిందట..ఛ..ఇంతకంటే దౌర్భాగ్యపు రాతలు ఏమైనా ఉన్నాయా..? ఇలాంటి ఏడుపుగొట్టు రాతలు రాస్తున్నారు కాబట్టే దినపత్రికలన్నీ జనాల చేతుల్లోకి కాకుండా ఎకాఎకిన టిఫిన్ సెంటర్ల దగ్గరకే పార్సెల్ పొట్లాలుగా మారిపోతున్నాయ్. ఆధారం లేకుండా మనకి ఎవడు ఇష్టం లేకపోతే వాడిపై పడి బురద జల్లడం...మనకి మనమే భుజాలు చరుచుకోవడం...పత్రికలు కొనే జనాల డబ్బుకి ఏ మాత్రం విలువ ఇవ్వకపోతే, ప్రభుత్వాలు మాత్రం ఎందుకు ఇస్తాయి..?